اهم المعلومات علشان تضمن تأشيرة شنغن بدون رفض

اهم 10 معلومات علشان تضمن تأشيرة شنغن بدون رفض فيزا "شنجن" هى تأشيرة الدخول إلى الدول المنضمة إلى الاتحاد الأوروبى ويتم استخراجها من قنصلية البلد نفسه فى حالة زيارة دولة واحدة فقط، أما فى حالة زيارة أكثر من دولة من دول الاتحاد الأوروبى فيجب تقديم طلب التأشيرة لقنصلية الوجهة الرئيسية

7٬926

اهم المعلومات والمستندات علشان تضمن تأشيرة شنغن بدون رفض

شهادة تحركات سفر المتقدم من وإلى البلاد فى فترة لا تقل عن 6 أشهر

شهادة تتضمن تحركات طالبها من سفر من وإلى البلاد في فترة زمنية يحددها صاحب الطلب تأشيرة شنغن، لا تقل عن 6 أشهر

توضح تسجيلات خروجه ودخوله عبر موانئ البلاد البرية والبحرية والجوية بالتاريخ، ويتم استخراجها من مبنى المجمع

ميدان التحرير الدور الأرضى، وتستغرق حوالى 30 يومًا.

أقر أيضا:-محتاج تحصل على موافقة التاشيرة هنا الحل

كشف حساب بالرصيد البنكى وحركة السحب والإيداع آخر 6 أشهر

عمل كشف حساب يثبت وجود رصيد بنكى، أو بطاقة ائتمان صالحة وتكون تابعة لجهة العمل، مع تقديم كشف آخر

بحركة السحب والإيداع حتى آخر 6 شهور قبل التقدم بطلب تأشيرة شنغن

استخراج شهادة تأمين صحى لتغطية طوال فترة الإقامة

شهادة تأمين شاملة تغطى التأمين الصحى وتأمين العودة إلى الوطن طوال فترة الإقامة وصالح لجميع بلاد الاتحاد الأوروبى، شنغن

ويجب أن يكون الحد الأدنى للتغطية 30.000 يورو، ويمكن الحصول عليه من إحدى شركات التأمين بمبلغ بسيط،

يبدأ من 10 جنيهات لليوم الواحد وتكون قيمة التأمين متغيرة على حسب سن المتقدم ومدة الزيارة.

خطاب من جهة العمل

خطاب من جهة العمل بتاريخ التعيين وقيمة الراتب الشهرى والدرجة الوظيفية، مترجم باللغة الإنجليزية

يجب إحضار خطاب من جهة العمل مثبت به الاسم كما هو مدون بجواز السفر، وتاريخ التعيين وقيمة الراتب الشهرى،

والدرجة الوظيفية، ويطبع على الورق الرسمى لجهة العمل، ويختم ويترجم إلى اللغة الإنجليزية الحصول على تأشيرة شنغن

أصل البطاقة الضريبية والسجل التجارى

يجب تقديم بطاقة ضريبية وسجل تجارى مترجم إلى الإنجليزية أو على حسب لغة السفارة الأساسية إذا كان المتقدم يعمل فى جهة خاصة.

اقرأ ايضا:- كيفية السجل التجارى والبطاقة الضريبية

شهادة قيد من الجامعة أو المدرسة للطلاب

تقديم شهادة قيد مترجمة إلى اللغة الإنجليزية من الجامعة أو المدرسة، مع شهادة الميلاد و موافقة من الأب والأم على سفر الطالب. شنغن

جواز سفر سارى المفعول لمدة 6 أشهر على الأقل

يجب أن يكون جواز السفر سارى المفعول لمدة 6 أشهر على الأقل بعد انتهاء مدة الزيارة للبلد المطلوب الحصول على تأشيرة شنغن،

واحتوائه على صفحتين فارغتين وارفاق الطلب بـ2 صورة شخصيةيجب أن تكون الصور الشخصية على خلفية بيضاء واضحة المعالم.

اقرأ ايضا:- كيف تكسر التأشيرة بشكل قانونى

تحديد سبب الزيارة

يجب إرفاق الدعوة المقدمة من الجهة المراد زيارتها لتحديد سبب الزيارة، ما إذا كانت للسياحة أو للعمل أو لتغطية أحد الفعاليات أو المؤتمرات.

تعبئة البيانات على موقع السفارة ودفع التكلفة المطلوبة من خلال الفيزا بقيمة 538 جنيهًا

تعبئة بيانات تأشيرة شنغن “Schengen Visa”، على موقع سفارة الجهة المقصودة على شبكة الإنترنت التى ينوى السفر إليها،

أو قضاء أكثر عدد من الليالي بها، ودفع التكلفة المطلوبة من خلال الفيزا بحوالى 538 جنية شاملة جميع المصروفات.

ويتم تحديد موعد إجراء مقابلة السفارة على حسب الأيام المتاحة فى جدول المواعيد على موقع السفارة على الإنترنت.

  • معلومات عن كيفية استخراج الفيزا شنغن

اولا لازم تعرف ان تأشيرة شنغن او الفيزا مش جايزة او منحة تخليك تبارك للي ياخدها و تفضل متوتر و على اعصابك لو قدمت عليها

التاشيرة ما هي الا مستند وليه شوية اجراءات لازم تتعمل عشان تسافر بعض الدول اللي متقدرش ندخلها من غير تاشيرة شنغن

و للاسف في حالتنا كمصريين الدول دي كتير شوية مع إن في دول مش محتاجة تأشيرة ودول ممكن تاخد تاشيرتها عند الوصول

ودول تاشيرتها سهلة! بس خلينا نتكلم انهارده في ال Schengen Visa! طب ازاي أضمن الSchengen Visa تحديداً؟

  • دي بعض الحاجات اللي هتفيدك وهتزود فرصك في القبول لو عملتها!

لازم تعرف ان في الاف من المصريين و ملايين من الناس حول العالم بيقدموا علي التاشيرة دي كل يوم في سفارات

ال26 دولة بتوع Schengen في كل بلد في العالم وإن أي واحد بيقدم هو عبارة عن ملف في السفارة

فمفيش حاجة هتخلي السفارة تديلك التاشيرة و انت ورقك مش سليم او مش كامل .. ظبط الورق عشان ده من اكبر أسباب الرفض

تاني حاجة هي بما ان اعداد كبيرة بتقدم ياريت تحجز ميعاد من بدري (اقصى حاجة 90 يوم قبل السفر) عشان ده هيديلك فرصة اكبر

تحضر لسفرك و ترتب ورقك وبالتالي يزود فرصتك في القبول .. إنك تلحق التقديم بالعافية “في الدقيقة ال90” غالبا هيتسبب إن حاجة

تكون ناقصة أو إنك تنسى حاجة وبالتالي تترفض

لازم حجز الفندق يكون سليم عشان السفارة ممكن (و ده من حقها) تكلم الفندق اللي انت حجزت فيه تتأكد من الحجز مش محتاج شركة سياحة

تحجزلك عشان اكبر و اشهر موقع متاح ليك في اي وقت وفي أي مكان وهو (www.booking.com) وممكن تحجز

بأي Credit Card بنفسك على الإنترنت
جواب الشغل (المعروف بجواب الHR) لازم يحدد تاريخ سفرك و مدته و وظيفتك و مرتبك و طبعا بيانات جواز السفر
اتاكد ان باقي الورق سليم 100% زي التأمين (يكون ساري طول مدة سفرك) و تذكرة الطيران و كشف حساب البنك

(مختوم من البنك) و الانتقالات الداخلية (لو عندك) و لو مش متأكد من حاجة او شاكك فيها اسال احسن ما تروح السفارة

و تتفاجأ و يطلع ورقك مش سليم

اقرا أيضًا: “هو إنت بتجيب تأشيرات السفر إزاي؟”

مش شرط حسابك في البنك يكون بيحتوي على مبلغ خيالي .. الأهم إنه يكون في حركة وفي فلوس داخلة وفلوس خارجة

بغض النظر عن الرصيد حجز ميعاد التقديم من بدري هيغنيك عن إنك تدور على سفارات تانية

تقدم فيها على ال Schengen غير سفارة البلد اللي أنت عايز تروحها

بالنسبة لأوروبا السفارات أحيانا بتتجنب منح التأشيرة لحد ممكن ميرجعش مصر عشان للاسف في ناس كتير كسروا تأشيرات

وعشان كده أهم حاجة في ورقك إن يظهر تمسكك بوظيفتك وإقامتك سواء من خلال كشف حساب البنك أو من خلال تاريخك

في السفر لبلاد أخرى.

مفيش داعي للقلق من المقابلة عشان دلوقتي معظم سفارات ال Schengen (خاصة الدول الكبيرة اللي عليها ضغط في المواعيد)

التقديم فيها بيكون من خلال مكاتب متخصصة ملهاش أي علاقة بالقرار سواء بالقبول أو الرفض وكل وظيفتها توصيل

ملفك للقسم القنصلي في السفارة وترجعهولك تاني وبياخدوا منك فلوس على الخدمة دي.
لو عملت كل ده هيزود فرص قبول طلب التأشيرة و اخيراً التأشيرة مجرد اجراء و حاجة متخوفش و لا تعطلك!

ولو بعد كل ده برضه اترفضت يا سيدي أرض الله واسعة وفي 100 بلد تانية تتمناك

 

لا تنسى قرائة المزيد من موقع الهجرة الى أوروبا

يستخدم موقع الويب هذا ملفات تعريف الارتباط لتحسين تجربتك. سنفترض أنك موافق على هذا ، ولكن يمكنك إلغاء الاشتراك إذا كنت ترغب في ذلك. اقبل قراءة المزيد