شاب مصرى هاجر الى كندا تعرف معنا على الخطوات

شاب مصرى هاجر الى كندا تعرف معنا على الخطوات الهجرة الى كندا ومميزات الهجرة الى كندا برنامج اكسبريس انترى خطوات الهجرة الى كندا بالتفصيل الممل موقع الهجرة الى اوروبا هيفدم لكم المعلومات عن الهجرة الى كندا بالتفاصيل تابع المقالة للأخر

admin اخر تحديث 2019/07/03

شاب مصرى هاجر الى كندا تعرف معنا على الخطوات

احمد وضح باختصار انك لو عايز تروح كندا هتكون هناك خلال سنة بس ، لان لا فيه واسطة ولا رشوة في عوامل القبول ، لكن كلها علي حسب اجتهادك انت
الهجرة الى كندا لا محتاجة سجل تجارى، و لا حساب بنكي رهيب ، وكل اللي هتدفعه ارقام معقولة سهل تستلفها و ترجعها سريعا ان شاء الله

بعد ده كله لو انت مقريتش البوست ، او مشيت في الموضوع لمدة اسبوعين و نسيت الموضوع بعدها ، متلومش الا نفسك ، و لما تلاقي نفسك بعد 20 سنه في نفس المكان و نفس الوضع و نفس المستوي متتضايقش خالص
نصيحة اخوية ليكم جميعا ، شوف الخطوات و ابدا فيها مع نفسك واحدة واحدة ، و اعمل خطة لنفسك انك تكون هناك خلال سنة ، الشغل موجود ان شاء الله تعالى بعد بحث طبعا – خلال ٥ سنين فيه جنسية كندية اللي هي من اقوي الجنسيات في العالم ليك و لاسرتك

الهجرة الى كندا الجزء الأول

اول حاجة لازم تقيم أهليتك يعنى تعرف انت هتكون مقبول في الهجرة او لا ولو مقبول هتظهر لك رسالة في النهاية كدا

هجرة العمالة الماهرة – Federal Skilled Immigration

فى الحقيقة الموضوع ده مؤجل من زمان أوى يمكن من 8 أو 10 شهور. وكان كثير من أصدقائي في الشغل اللي كانوا عارفين الموضوع بييجوا يسألوني في حاجات ليها علاقة بالموضوع, لكن كان أغلب الناس بتقف عند حتة السؤال وخلاص. وكذا حد كان مش مصدق اني ماشي في الموضوع لوحدي بجد من غير محامي وكنت ساعات بحس من الأسئلة انه حاسس اني مخبي حاجة, وكنت بعديها.
جالي ساعتها خاطر كدة اني أكتب على الموقع أشرح فيه عشان اللي حابب يستفيد ويسافر, وبعدين رجعت في كلامي. قلت اني لو كتبت كلام كثير وبعد كدة معرفتش أهاجر الكلام هيفقد مصداقيته, وهيبقى شكلي وحش جدا.
المهم, أول أما ربنا أراد لى ان الموضوع يتم والناس معايا في الشغل ابتدت تعرف, تحولت فجأة لنجم سينمائي لامع .. الناس كلها عايزة تسلم عليا وتصاحبني وتهزر معايا, وبقيت حتى لما بستظرف أو أقول نكتة بايخة, الناس بتضحك هههه
وفجأة بقيت أعمل “ندوات” يومية أشرح فيها لناس كثير أعرفهم ومعرفهمش يبتدوا ازاي ويعملوا ايه ويحضروا ورق ايه ويقدموا امتى وازاى والصعوبات اللي ممكن تواجههم ايه هيا إلى آخره .. وحسيت ساعتها ان كلامي بقى ليه قوة كالصخر. اللي بقوله محدش بيعيده ورايا. الإجابة اللي بجاوبها على أي سؤال محدش بيشكك فيها. والأهم اني تأكدت ان الكلام من غير فعل ملوش قيمة خالص.. الناس عايزة تشوف example قدامها عشان تصدق بجد.
لحد اليوم الناس بتكلمني وأنا في كندا كل يوم تقريبا عشان تسألني عن الموضوع ده. وأنا أول شهر هنا بصراحة مكنتش رايق أكتب البوست ده لأني كنت متأكد انه هيبقى طويل ومحتاج تركيز مني. لكن الحمد لله جه الوقت دلوقتى
خلينا نتفق على حاجة مهمة. الموضوع سهل وصعب. صعب لو انت مش مركز ومش مديله الأهمية الكافية. عشان تهاجر لازم الموضوع ده ياخد حيز كبير من تفكيرك ومن وقتك وفى حياتك.لازم يكون عندك motive قوي جدا انك تهاجر. مش انك سمعت ان واحد عرف يهاجر ف الله بقى أنا كمان عايز أهاجر. الكلام ده أنا كنت بقوله لبعض الناس من اللي كانت بتيجي تتكلم معايا في الموضوع. كنت بقول انت جاي تفعص في البضاعة. انت معندكش رغبة حقيقية من أسباب منطقية للهجرة. يعني مثلا من ضمن الناس حد أكون أنا اتكلمت معاه قبل كدة أيام لما كنت لسة في الأول وقاللي انه مش بيفكر في الهجرة وانه ميقدرش يسيب مصر وكدة, وفجأة لما عرف اني مهاجر خلاص اهتم بالموضوع جدا.
أنا كنت عايش على الموضوع ده بس. عمري في حياتي ما اديت أهمية لأي حاجة قد اني عايز أهاجر. اللي يعرفوني كويس من زمان, يعرفوا اني عقلاني وواقعي وأحب أخطط كويس لأي حاجة وأعمل plan عشان لو الخطة منجحتش. أول مرة في حياتي يبقى ردي على اللي بيسألني “ايه plan B بتاعتك لو الهجرة منفعتش ؟” اني مهاجر يعني مهاجر. أول مرة ميبقاش عندي plan B.
أول مرة في حياتي مفكرش في ال worst case scenario.
للدرجة دي أنا كنت motivatedd اني اهاجر. أنا كنت “بذاكر” كندا حرفيا. متابع كل الصحف الكندية الكبيرة, وتابعت الانتخابات وقريت عن الأحزاب, والتكوينات العرقية لكندا, والحالة الاقتصادية أخبارها ايه, وكل مقاطعة على حدة اقتصادها عامل ازاي وعيوبها ومميزاتها وتكاليف المعيشة فيها ونسبة المهاجرين واللغات اللي بيتكلموها. ده طبعا غير اني كنت بقرأ كل حرف بيتكتب على الانترنت ليه علاقة بالهجرة وقوانين الهجرة. وكنت بدخل في ال forums اللي فيها ناس من كندا بيتكلموا عن كندا وناس عايزة تهاجر أو ناس وصلت كندا فعلا عشان أحاول أفهم كل حاجة. كل ده أنا كنت بعمله وأنا مش ضامن أي حاجة حتى الان …. كل ده وكان ممكن معرفش أهاجر.
لو انت قريت لحد هنا ومزهقتش من الرغي اللي فوق, يبقى غالبا انت عندك رغبة حقيقية انك تهاجر ومهتم تعرف كل التفاصيل التفاصيل

ملحوظة مهمة: أنا مش الحكومة الكندية ولا تابع للسفارة الكندية. أنا بحكي عن تجربتي واللي نفع معايا. أنا لو مكانك, هتأكد من كل معلومة. الكلام اللي أنا بقوله ساري حتى تاريخ الكتابة 24 أكتوبر 2017. قوانين الهجرة وشروطها بتتغير كل فترة, فلو حد مش هيشتغل على الموضوع علطول, وناوي يأجل 6 شهور مثلا أو سنة, يبقى لازم يراجع كل حاجة بالتفصيل
ملحوظة مهمة: مكاتب الهجرة كلها اللي في مصر بتقع تحت بند من اتنين. نصابين, أو حرامية. هياخد منك 7 أو 8 آلاف دولار دي أتعابه غير مصاريف الهجرة ومش هيعمل أي حاجة انت متقدرش تعملها لوحدك. يعني لو معرفش يسفرك, هيضرب منك ال كام ألف دولار.

بسم الله نبدأ.
أنا هكتب هنا التسلسل المنطقي للخطوات اللي أنا شايف انك لازم تعدي بيها عشان ان شاء الله تهاجر. طبعا أنا هنا هشرح الجزء في الهجرة اللي اسمهFederal Skilled Immigration اللي هو هجرة أصحاب الخبرات العملية المطلوبة في كندا. فيه فروع أخرى للهجرة زي هجرة رجال الأعمال أو أصحاب الحرف اليدوية أو ان حد ييجي يدرس هنا مثلا, وكل حاجة وليها شروط مختلفة.
حاجة كمان: الحكومة الكندية بتعمل من سحبتين لثلاثة كل شهر من على السيستم. كل سحبة ممكن عدد الناس اللي فيها يتراوح من 700 مثلا لحد 2000. بعد كل سحبة, الحكومة بتنشر على الموقع بتاعها عدد الناس اللي سحبتهم, وأقل واحد في السحبة دي كان جايب كام. عموما, عشان يبقى عندك تصور, تابع السحب من هنا (ده تاني أفضل موقع بعد موقع الحكومة):
http://www.canadavisa.com/news/latest.html
حاجة كمان للمتزوجين: يستحسن كل واحد فيكم يجرب الخطوات الجاية. لأن الحكومة الكندية بتسمح ان ممكن أي من الزوجين يبقى ال primary applicant والثاني بيبقى secondary. اللي يحدد مين فيكم يبقى primary هو ال score النهائي من 1200. المفروض اللي

يجيب أعلى يبقى هو ال primary

1- أول حاجة, لازم تعرف ال National Occupation Classification codee بتاعك ايه. ده كود كدة من أربع أرقام لكل occupation في كندا. كندا بتدي كل شغلانة NOC code و Skill Level/Type. عشان تقدر تيجي تحت ال Federal Skilled Worker وشغلانتك تبقى محسوبة Skilled, لازم تندرج تحت Skill Level 0 أو A أو B. فحضرتك هتدور على الكود بتاع شغلانتك وتتأكد من ال Skill Level بتاعه وتكتب الكود على جنب عشان هتحتاجه في كل حاجة.
الكلام ده ممكن تعرفه أونلاين من هنا: http://www.cic.gc.ca/english/immigrate/skilled/noc.asp
أو تنزل الملف كله من هنا: http://www5.hrsdc.gc.ca/…/2…/pdf/PrintableVersionNOC2011.pdf
2- بعد أما تعرف ال NOC code تشوف انت eligiblee تقدم في كندا ولا لأ تحت فئة ال Federal Skilled Worker. ده بيبقى points grid من 100 نقطة. أي حد يجيب 67 أو أكثر يبقى eligible. ده ممكن تعرفه من هنا:
http://www.cic.gc.ca/en…/immigrate/skilled/apply-factors.asp
3- طلعت الحمد لله eligible وكل حاجة. المفروض دلوقتي تعمل لنفسك profilee على السيستم بتاع الحكومة الكندية, وده اسمه Express Entry profile, وبتاخد تقييم من 1200 نقطة على سيستم اسمه Comprehensive Ranking Systemحسب سنك ومؤهلك وعدد سنين خبرتك ومستواك في الانجليزي أو الفرنساوي – اللغتين الرسميتين لكندا – ومؤهلات زوجتك لو كنت متزوج, وأي خبرة سابقة في كندا.
على السيستم ده,انت بتبقى موجود في ال pool of candidatess اللي زيك ومتشاف من الحكومة الكندية ومن المقاطعات الكندية. البروفايل بتاعك ده لسة مش هجرة. ده ماهو إلا إبداء رغبة منك انك عايز تيجي كندا, والسيستم مديك score معين على حسب المؤهلات اللي انت بتدعي انها عندك.
فكر فيها كإنها job vacancyy فاتحة في شركة, والشركة قايلة الشروط اللي عايزاها عشان الناس تقدم, وفيه ناس كثير غيرك هتقدم, بس الشركة اللي بتختار في الآخر.
تقدر تعرف انت هتجيب كام من 1200 مقدما قبل أما تعمل profilee فعلي على موقع الحكومة. ده ممكن تعرفه من هنا, وزي ما قلت هي دي الحتة المهمة للمتزوجين ان كل واحد يشوف هيجيب فيها كام عشان نحدد مين ال main applicant.
ملحوظة: السؤال المتعلق بمستواك في اللغة هتفترض فيه إجابة لأنك لسة معملتش امتحان يثبت مستواك في اللغة.
http://www.cic.gc.ca/english/express-entry/grid-crs.asp
عرفنا مين ال main applicant الحمد لله. بداية من هنا – الكلام للمتزوجين – ال main applicant بس هو اللي اجباري عليه الخطوات الجاية.
4- كندا ليها لغتين رسميتين: انجليزي وفرنساوي. حضرتك هتمتحن IELTSSلو ناوي تختار لغتك الأولى انجليزي, أو تمتحن TEF لو لغتك الأولى فرنساوي.
ملحوظة: ال secondary applicant كمان ممكن يمتحن لو عايزين تعلوا ال scoree بتاعكوا, لكن مش اجباري.
للناس اللي في مصر, ممكن تحجز IELTS مع ال British Council وممكن تحجز TEFF مع المعهد الثقافي الفرنسي.
http://takeielts.britishcouncil.org/
https://institutfrancais-egypte.com/ar/
5- على ما معاد الامتحان ييجي, وبما أن مؤهلك الدراسي من خارج كندا, فهتعمل حاجة كمان اسمها Educational Credential Assessment (ECA). وده كدا شبه إقرار من جهة في كندا بتقول فيه للحكومة مؤهلك الخارجي ده بيساوي ايه في كندا. يعني البكالوريوس بتاعك مثلا – اللي من كلية معينة وجامعة معينة – بيساوي بكالوريوس برضه في كندا ولا أعلى ولا أقل.
ده الحكومة الكندية ادتك الاختيار من بين 3 جهات في كندا المنوط بيها تعمل ال assessment ده:
http://www.wes.org/ca/fswp/
http://www.icascanada.ca/fsw/home.aspx
http://learn.utoronto.ca/…/comparative-education-service-ces
ملحوظة: أنا اخترت أعمل ال assessment مع أول جهة.
6- امتحنت انجليزي أو فرنساوي والنتيجة طلعت, وعملت assessmentt والنتيجة جاتلك, انت دلوقتي جاهز تعمل Express Entry profile.
ال Express Entry profilee ده هتجاوب فيه عن أسئلة كثيرة تخصك وتخص أسرتك ومفيهوش دفع فلوس (انت دفعت في الامتحان وفي ال assessment). ومش هيتطلب منك اثبات دلوقتي على أي حاجة انت هتقولها. وهتاخد score من 1200 زي ما قلت على حسب إجاباتك. البروفايل من هنا: http://www.cic.gc.ca/english/e-services/account.asp#login
7- مليت ال Express Entry profile وعملت submissionn والحمد لله, تعمل بقى registration مع Job Bank Canada. دي خطوة اجبارية الحكومة بتطلبها عشان انت تبقى متشاف من ال employers في كندا. ال registration من هنا:
http://www.jobbank.gc.ca/home-eng.do?lang=eng
8- انت دلوقتي ممكن تحط ايدك على خدك وتستنى العدل. بس دي أسوأ حاجة ممكن تعملها. لأن العدل مبيجيش لوحده إلا لو انت البروفايل بتاعك سوبر. يعني تكون انت ومراتك مثلا عندكم لغة قوية وانتوا الاتنين جايبين تقديرات عالية جدا في الامتحانات, وانتوا الاتنين عندكم عدد سنين خبرة عملية فظيعة, وانتم الاتنين معاكوا ماجستير أو دكتوراه مثلا. من الآخر, عشان تقف عند الخطوة دي وتستنى الحكومة هي اللي تبعتلك لازم تكون مقفل الامتحان. طب نعمل ايه؟ أصعب خطوة من حيث التركيز المطلوب والسرعة في رد الفعل في الموضوع كله، ال Provincial Nomination.
ليه لازم تدورعلى ال nomination ؟ عشان الحكومة الكندية هتديك 6000 نقطة زيادة على أي score انت جبته على ال Comprehensive Ranking System لو نجحت انك تخلي محافظة كندية تعملك ترشيح. ده هيخلي ال score بتاعك ينط فوق قوي فالحكومة تسحبك من ال pool of candidates وتبعتلك Invitation to Apply for Immigration.
طب حد شاطر ودخل يدعبس من ورايا يقوللي طب مش أنا ممكن أجيب 600 نقطة لو جبت job offer برضو ؟ أقوله برافو عليك. بس دي رابع أصعب حاجة بعد الغول والعنقاء والخل الوفي.
نرجع لمرضوعنا, كل مقاطعة ومحافظة في كندا ليها موقع على الانترنت. على الموقع ده, هتلاقي كل محافظة حاطة list بتاعت شغلانات عندها فيها نقص. حضرتك هتدور على شغلانتك على كل موقع من دول وتعرف مين اللي عايزك عنده. بعد أما تعرف انت مطلوب فين بالضبط, تشوف شروط التقديم للمحافظة دي – من على الموقع برضو – وتجهز ورقك بالشكل اللي هيطلبوه, وتستنى يفتحو باب التقديم.
الصعوبة اللي كنت بقول عليها في الحتة دي, انك تعرف بدري أول لما باب التقديم في محافظتك يفتح, وتكون واحد من أول الناس اللي تقدم (لازم يكون ورقك جاهز طبعا).

الهجرة إلى كندا (الجزء الثاني) :

أولا, أحب أشكر آلاف الناس اللي عجبها الموضوع وتفاعلت معاه. أنا عارف ان الهجرة مطلب جماهيري لكن فعلا متوقعتش الكم ده من الدعوات والأماني الطيبة بالتوفيق. دي أجمل حاجة حصلت معايا وأنا محتاجها فعلا 🙂
ثانيا, التعليقات اللي انبسط منها جدا الناس اللي قالتلي ان المقال ده حط رجلهم على أول الطريق وانهم اتشجعوا وهيبتدوا الرحلة. هو ده كان هدفي من الموضوع انه يدي أمل ويعرف الناس أول الطريق.
ثالثا, الموضوع بفضلكم بقى “دولي” مش مصري بس. كلمني ناس من السودان والعراق واليمن والسعودية والمغرب ودول عربية تانية !! كلمني حد من أمريكا !

** انا متكلمتش عن Quebec خالص.
ده صحيح, لأن محافظة Quebecc ليها نظام هجرة مختلف تماما عن باقي كندا. كأنها بلد تانية, وأنا مش ملم بتفاصيلها قوي فمحبتش أدخل في الموضوع. لكن كان ليا معاهم تجربة سيئة في الهجرة, فأخذت قرار إني مش هحرق جاز عليهم وقررت أركز مع ال Express Entry.
** ناس كثير سألت عن برامج الهجرة التانية, فده اللينك اللي تقدر تعرف منه بعد أما تجاوب على شوية أسئلة انت ممكن تيجي على أي

برنامج هجرة:

http://www.cic.gc.ca/ctc-vac/getting-started.asp
ال IELTS جينيرال ولا أكاديميك؟
Generall. ال جينيرال هوة المطلوب دائما في أي مشروع هجرة – على الأقل أنا أعرف كندا وأستراليا ونيوزيلندا – وال أكاديميك دائما مطلوب للدراسة.

مصاريف الهجرة كام

امتحان اللغة (حسب الامتحان انجليزي أو فرنساوي والرسوم المقررة من الجهة المختصة وقتها)
ال credentials assessmentt (حسب الجهة اللي هتختارها وحسب سعر الدولار الكندي في وقت المعادلة – الدفع بالدولار الكندي)
الترجمة وال certification بتاعت الورق (حسب السعر ساعة الترجمة)
رسوم الهجرة (حسب عدد أفراد الأسرة – الدفع بالدولار الكندي)
زي ما انتم شايفين, مفيش رقم ثابت. بس هيا دي الحاجات اللي هتدفع فيها. كل حاجة من اللي فوق ليها موقع/مواقع تقدر تعرف منها التفاصيل. أنا قلت على أول 3 حاجات في المقال الأول, وبالنسبة لرسوم الهجرة فكانت لأسرة من 3 أفراد 2230 دولار كندي متقسمة كالتالي:
Permanent Resident Application Fee – Main Applicant: $550
Right of Permanent Residence Fee – Main Applicant: $490
Permanent Resident Application Fee – Spouse: $550
Right of Permanent Residence Fee – Spouse: $490
Permanent Resident Application Fee – Child: $150
عموما, ممكن تتابع أي مصاريف متعلقة بالهجرة أو الجنسية من هنا:
http://www.cic.gc.ca/english/information/fees/fees.asp#rprf
إزاي ممكن أدفع بال credit card بعد ال limits اللي كل البنوك حاطاها في مصر؟
الحقيقة معرفش لأني دفعت كل حاجة قبل ال limitss دي متتحط. لكن ممكن تخلي واحد صاحبك أو قريبك عايش برة يدفعلك بال credit card بتاعته وانت تبقى تديله فلوسه cash. معرفش طريقة تانية.

الموضوع كله ياخد وقت قد ايه

لو انت جاهز وورقك مفيهوش مشاكل وجبت ال nominationn في وقت معقول, الموضوع يخلص من 6 شهور ل 10 شهور .

شهادات الخبرة شكلها إزاي

ملهاش فورمة ثابتة. كل محافظة ممكن تطلب منك شوية معلومات تبقى موجودة في شهادة الخبرة بتاعتك. لما تحط عينك على المحافظة اللي عايزاك, هتلاقي عندهم documents checklist و application guide بيوضحوا فيه بالتفصيل كل حاجة.
أما على مستوى الحكومة الفدرالية – كندا – فشهادات الخبرة بتبقى كالتالي:
1- كل job title في ورقة لوحده.
2- فيها اسمك بالكامل والتاريخ اللي ابتديت وأنهيت فيه الشغلانة دي.
3- اسم الشركة واسم ال team أو الإدارة اللي اشتغلت فيها.
4- ال main duties بتاعتك في الشغلانة.
5- ممضية من مديرك المباشر أو حد من ال HR.
6- سواء مديرك أو ال HR اللي ماضي,لازم يكون فيه contact informationn. اسم الراجل, مسماه الوظيفي, رقم تليفونه, ال email بتاعه.
7- الكلام ده كله يبقى مطبوع على ال letter head بتاعت الشركة. اللي عليها logoo الشركة من فوق, وعنوان الشركة وأرقام تليفوناتها وال email بتاعها من تحت.

ليه كندا مش أستراليا أو نيوزيلندا

السؤال ده اتسألته كثير قوي رغم اني بستغربه. ردي على أحد الإخوة كان التالي: “احنا مصريين أو عرب. مش انجليز أو أمريكان فبنختار عايزين نعيش فين. رفاهية الاختيار مش عندك. انت واحد عايز “يلحق” يمشي من بلد اقتصادها واقع والباسبور بتاعك ملوش لازمة في أي حتة محترمة في العالم. الموضوع بالنسبة لينا “المتاح” ايه. والمتاح يعني شغلك مطلوب فين. الحتة اللي شغلك مطلوب فيها أكثر احتمالات الهجرة الناجحة ليها أكثر. أيا كانت بقة. أستراليا, كندا, نيوزيلندا, ألمانيا … كلها دول بتحترم الانسان ولو اشتغلت في أي واحدة فيهم غالبا هتبقى مبسوط”.

لازم أقعد فترة قد ايه في المقاطعة لو جالي ترشيح منها؟

بالرجوع لل Canadian Charter of Rights and Freedomss انت من حقك تتحرك في أي حتة جوة كندا. لكن, متنساش انك بتمضي على وثيقة والمحافظة بتعملك nomination بتقول ان نيتك تقيم في المحافظة دي. فمن باب العرفان بالجميل للمحافظة اللي لولاها مكنتش جيت كندا, لازم تحاول بكل طاقتك انك تلاقي شغل وتستقر في المحافظة على قد ما تقدر. لو مفيش شغل وجالك job offer كويس من برة المحافظة – بعد ماتكون انت حاولت – مفيش مشكلة. اقرو المقالين دول عن الموضوع:
http://www.immigrationcoach.ca/provincial-nominee-moving-t…/
http://immigration.ca/…/168-mobility-rights-of-canadian-per…
وده ال Canadian Charter of Rights and Freedoms:
http://laws-lois.justice.gc.ca/eng/Const/page-15.html
مين يبقى ال main applicant لو الزوجين جامدين و eligible ؟
في الحالة دي رأيي ان ال main applicantt يبقى اللي فرصته أحسن انه يعرف يجيب nomination. بمعنى انهم يشوفوا مين فيهم شغلانته مطلوبة في ولايات أكثر وهوة ده اللي يقدم.
جالي هنا سؤال بيقول, ينفع أنا وجوزي نبقى main applicantss؟ الإجابة: لأ. واحد فيكوا بس هو ال main والتاني secondary ويتحدد بناء على الكلام المكتوب فوق.
الناس اللي المهن بتاعتها في Skill Level C or D تعمل ايه؟

http://www.cic.gc.ca/english/immigrate/skilled/noc.asp

هل بحتاج أعمل credentials assessment لكل الشهادات اللي أخدتها

لأ مش لازم. لكن لو حابب تعمل كدة انت حر. لكن العادي انك تبعت آخر شهادة بس أيا كانت. دي اللي هتاخد عليها ال points. يعني لو حضرتك خريج جامعة, يبقى تبعت شهادة الجامعة فقط (مش الثانوية العامة) وهكذا.
لو من مصر, أعتقد أغلبنا معاه الشهادة المؤقتة – قليل اللي معاه الكرتون الكبيرة – والمؤقتة كافية جدا. دي اللي هترجمها مع بيان الدرجات وتبعتها.
كل حاجة عن الجهات اللي بتعمل credentials assessmentt قبل ما تيجي كندا – بما فيهم الجهات المختصة بالأطباء والصيادلة تعرفها من هنا:
http://www.cic.gc.ca/engli…/immigrate/skilled/assessment.asp
هل لازم الجامعة هي اللي تبعت الورق لجهة المعادلة؟
الحقيقة ده اللي لسة مكتوب على الويبسايت بتاع WESS مثلا, وده اللي كان موجود أيام لما أنا قدمت. لكن هما سهلوا الموضوع دلوقتي وبقة ممكن انت اللي تبعت الحاجة بتاعتك. الكلام ده وشكل الظرف موجود هنا:
http://nr1.s3.amazonaws.com/…/Sample%20Sealed%20Envelope.pdf
طبعا من مصر مستحيل الجامعة تبعتلك هيا حاجة لبرة, فأنا رحت الجامعة وخليتهم يدوني الورق اللي أنا عايزه – بيان الدرجات وشهادة التخرج – واشتريت من الجامعة ظرف كبير عليه ال logo بتاع الجامعة والعنوان وكدة, وحطيت الحاجة جوة الظرف وقفلته, وخليت الموظفة المختصة تختملي على مكان قفل الظرف, وبعدين عديت على نائب رئيس الجامعة – طبعا ممكن العميد أو حتى موظف في شؤون الطلبة – وطلبت منه يمضيلي على مكان قفل الظرف. وبعت الحاجة وقلت أنا وحظي بقة وقبلوها الحمد لله. باختصار, أنا عملت اللي WES بقت تسمح بيه دلوقتي عادي.Regulated Vs. Non Regulated Occupations

كندا مقسمة المهن لنوعين:

دي المهن اللي محتاجة معادلة ومذاكرة وامتحان ورخصة قبل السماح بمزاولتها في كندا. زي الأطباء والمحامين والمهندسين … إلخ. وممكن تبقى regulated في مقاطعة وفي مقاطعة تانية non regulated. الموضوع كبير.
هنا حضرتك هتعمل ال credentials assessmentt زي كل الناس عادي قبل ما تقدم على الهجرة.
وبعد لما ان شاء الله تنور في كندا هتعمل بقة معادلة مع الجهة المختصة ولازم تاخد ترخيص بمزاولة المهنة عشان تعرف تبتدي شغل..
2-Non Regulated
أغلب المهن في كندا بتقع تحت الشريحة دي, وأشهرها شغل ال ITT كله, وده مبيحتاجش يعمل حاجة ويقدر يشتغل أول لما ييجي.
هنا حضرتك بتعمل ال credentials assessmentt بس قبل ما تيجي, وبعد أما تيجي تقدر تشتغل علطول.
أعرف منين مهنتي تحت أي تصنيف ومحتاج أعمل ايه بالضبط؟ من هنا:
http://cicic.ca/…/Find-out-if-your-occupation-…/index.canada
** ازاي ممكن تاخد والدك أو والدتك معاك. أو تبعتلهم ييجو بعد أما توصل كندا.
انت ممكن تحط والدك أو والدتك معاك في ال applicationn من الأول وتدفعله فلوس الهجرة وكل حاجة. طيب ليه ناس كثير مش بتعمل كدة؟
لأن في المراحل المتقدمة, الحكومة الكندية هتطلب من حضرتك كشف طبي كامل على كل من هو موجود في ال application. يعني حضرتك وزوجتك وأولادك ووالدك أو والدتك لو اخترت انك تحطه معاكوا من الأول. أي حد في ال applicationعنده لا قدر مرض بتعتبره الحكومة خطر على الصحة العامة في كندا (معدي) أو مرض مزمن وحالة غير مستقرة مما سيضع حمل على الحكومة الكندية للتكفل بالعلاج, ال application كله بيترفض بكل الناس اللي فيه.

إزاي ممكن أعلي ال CRS Score بتاعي

طبعا ممكن تعلي ال score بتاعك بإنك تمتحن امتحان اللغة تاني وتجيب scoree أعلى.ولو حد صغير في السن ولسة قدامه كذا سنة ممكن كمان يعمل ماجستير. بس عن تجربة, الأفضل انك تسعى في ال nomination لو نتيجة الامتحان مش هتعليك عن ال 400 نقطة.
بمعنى, لو واحد مثلا جايب 320 ولو امتحن لغة تاني هيبقى 3600. ده ميمتحنش تاني. ده يسعى في ال nomination علطول. أنا شخصيا كنت جايب 345 ومدخلتش أمتحن تاني, وجالي الحمد لله nomination من Saskatchewan.
لكن لو حد مثلا جايب 380, وبعد امتحان لغة بدرجات أحسن هيبقى 4200, فيمتحن تاني لأن فيه محافظة Ontario مثلا – اللي فيها Toronto و Ottawa – بتبص على الناس اللي جايبة فوق ال 400 وبتعملهم nomination من غير ميقدمولها. فبكدة يبقى بعد أما تخلص امتحان اللغة وتبتدي تجري على ال nomination, عندك أقوى محافظة كمان هي اللي بتبص على الناس اللي زيك وبتختار منهم. يعني بتعلي فرصك.
عايز أعرف كل حاجة عن ال Permanent Residence والمدة بتاعتها وشروطها.
http://www.cic.gc.ca/english/newcomers/about-pr.asp

أنا امتى بالضبط ببقى Permanent Resident

أول لما تنزل في المطار في كندا. فيه اجراءات هتخلصها في المطار مع موظف في إدارة الهجرة, وعلى أساسها بيديك ال Permanent Residence. وبياخد منك العنوان اللي هتبقى فيه في كندا عشان يبعتولك ال PR Card عليه.
حضرتك بتخلص الإجراءات في أول مطار تنزل فيه. وطالما خلصت الإجراءات, يعني انت بقيت permanent resident خلاص وتقدر تروح أي حتة. مثلا, انت اتعملك nomination من Alberta, بس انت جاي من مصر فأول نزول ليك هيبقى في تورونتو. لو حابب تشوف تورونتو الأول بما أنك فيها, ممكن تحجز فترة في أوتيل مثلا في تورونتو أو تنزل عند حد من قرايبك أو واحد صاحبك كفسحة وتخلي الطيارة اللي بعدها اللي رايحة Alberta بعدها بأسبوع.

ازاي تأجر مكان للسكن وانت برة كندا

لو تعرف حد في المدينة اللي انت نازل فيها وظروفه تسمح انه يستضيفك الفترة الأولى يبقى ممتاز.
تحجز onlinee في فندق مثلا لمدة أول أسبوعين على ما تيجي وتروح تزور منظمة من اللي قلنا عليهم يساعدوك في الإيجار.
تحجز شقة بال credit card من على موقع AirBnB.
لو تعرف حد في المدينة اللي انت نازل فيها, ممكن تخليه يأجرلك شقة باسمه. دور انت من على المواقع دي, وحط عينك على كذا شقة, وخلي صاحبك يبص عليهم ويخلص في واحدة.

وموضوع ازاي بقيت قوي في الانجليزي ده مكانش شطارة مني, لأ ده أنا حظي حلو ان أبويا الله يرحمه دخلني مدرسة كويسة. غير اني كنت بشتغل في شركة كبيرة لمدة 10 سنين تقريبا ف التعامل في mails بالانجليزي طبعا. وأنا بحب القراءة جدا من صغري وبقرأ بالانجليزي كثير. مش لازم روايات. لأ مقالات من الصحف الأمريكية والبريطانية الكبرى, مقالات على LinkedIn بتتكلم عن البيزنس وحاجات كدة. وبحب السينما جدا وخصوصا انتاجات هوليوود طبعا. وبنزل الترجمة مع الأفلام بالانجليزي. ده بيعلمني كلمات جديدة غير ان كثر الفرجة على حاجات بلغة معينة بيخلي ودنك تتعود على ال accent وتبقى فاهم كل حاجة في الأغنية أو الفيلم.
دي نصيحتي لأي حد عايز يقوي اللغة: اتفرج واقرأ واسمع باللغة دي ولو لقيت مجال لممارسة اللغة وانك تتكلم يبقى ممتاز.

لا تنسى قرائة المزيد من موقع الهجرة الى أوروبا